365 Նռան կիսաքաղցր հուշանվերային գինի տուփով

Աշխարհում գոյություն ունի գինի պատրաստելու համար բավարար հյութեղություն եւ շաքարայնություն ունեցող նռան ընդամենը մի քանի տեսակ: Այդ եզակի տեսակներից մեկը հայկական նուռն է, որի հյութեղ պտուղներն աճում են երկրի ամենահարավային շրջանի՝ Սյունիքի թեժ արեւի տակ:

Կիսաքաղցր այս գինին արտադրվում է Gevorkian Winery-ի գինեգործների մշակած յուրօրինակ տեխնոլոգիայով՝ Հայաստանի ամենահարավային շրջանի` Սյունիքի Մեղրու այգիներում թեժ արեւի տակ աճող նռից:

Գինին թափանցիկ կարմրաշագանակագույն է, նռան պտղի ինտենսիվ բույրով, թարմացնող թթվահամով՝ նռան հատիկների համի եւ կեղեւի դուրեկան տտիպության համադրությամբ, հաճելի եւ նուրբ երանգներով հագեցած նռան տեւական հետհամով:

Գինու թնդությունը՝ 12%
Շշի տարողությունը՝ 750մլ
Խմորման ջերմաստիճանը՝ 15-16ºC
Մատուցման ջերմաստիճանը՝ 16-18ºС

Հիանալի ուղեկից է փափուկ պանիրների, հավի եւ հնդկահավի փափուկ մսի եւ աղցանների հետ:

Անտիկ Աշխարհի գինիներ

Անտիկ Աշխարհի գինիներ

Համաշխարհային գինեգործության մեջ մենք առաջարկում ենք նոր խոսք՝ Аncient World Wine՝ անտիկ աշխարհի գինի:

Ըստ ամբողջ աշխարհում ընդունված սկզբունքի, գինիները բաժանվում են Հին աշխարհի եւ Նոր աշխարհի գինիների:

Հին աշխարհի գինիներն են եվրոպական գինիները, իսկ նոր աշխարհինը՝ ԱՄՆ-ում, Ավստրալիայում, Չիլիում, Նոր Զելանդիայում արտադրվողները:

Այսպիսով, մեր տարածաշրջանի գինիները չեն դասվում ոչ առաջին, ոչ էլ երկրորդ տեսակին, այդ պատճառով էլ մենք գտնում ենք, որ հին եւ նոր աշխարհի գինիների կողքին իրենց ուրույն տեղը պիտի ունենան անտիկ աշխարհի գինիները: – H2

Իսկ ինչո՞ւ անտիկ:

Քանի որ Հայկական գինեգործությունը առնվազն 6000 հազար տարվա պատմություն ունի, որը հիմնավորվում է Արենի գյուղի քարանձավներից մեկում հայտնաբերված գինու հնձանով: