Գինին արտադրվում է Gevorkian Winery ընկերության գինեգործների ուրույն տեխնոլոգիայով` Տավուշի եւ Լոռու մարզերից հավաքված մոշի պտուղներից:

Գինին բոսորի երանգներով կարմիր փայտի գույնի է`քաղցր սեւ հատապտուղների հարուստ եւ գայթակղիչ բույրով, հատապտուղների փոքր-ինչ թթվային տտիպ վառ համով, ինչպես նաեւ լեռնային հատապտուղների զուսպ երանգներով ու կաղնու պարուրող նոտաներով հետհամով:

Գինու թնդությունը՝ 12%
Շշի տարողությունը՝ 750մլ
Խմորման ջերմաստիճանը՝ 15-16ºC
Մատուցման ջերմաստիճանը՝ 8-12ºС

Լավ համադրվում է թեթեւ աղցանների եւ խմորից պատրաստված կերակրատեսակների, ինչպես նաեւ գետային ու ծովային ձկնեղենից պատրաստված կերակուրների ու ազնիվ պանիրների հետ:

Կիսաքաղցր այս գինին արտադրվում է Gevorkian Winery-ի գինեգործների մշակած ուրույն տեխնոլոգիայով՝ Հայաստանի ամենահարավային շրջանի` Սյունիքի Մեղրու այգիներում թեժ արեւի տակ աճող նռից:

Շագանակագույնի հանդարտ երանգներով փողփողացող զգայազեղ բոսորագույն գինի, որի փնջում մենակատարում են նռան համն ու բույրը, որը հետհամում համալրվում է նուրբ տտիպ երանգներով:

Գինու թնդությունը՝ 12%
Շշի տարողությունը՝ 750մլ
Խմորման ջերմաստիճանը՝ 15-16ºC
Մատուցման ջերմաստիճանը՝ 8-12ºС

Խորհուրդ է տրվում մատուցել ազնիվ պանիրների, նուրբ սպիտակ մսից պատրաստված կերակրատեսակների եւ թեթեւ աղցանների հետ:

Այս գինին փոխանցում է հայերի բնավորությունը՝ տաք խառնվածքով եւ դյուրագրգիռ, բարեհոգի եւ անկեղծ, մի ազգի, որը ջերմեռանդությամբ եւ անսպառ հարգանքով է վերաբերվում ընտանեկան ավանդույթներին: Գինին պատրաստվում է դասական ֆրանսիական եղանակով՝ Վայոց Ձորի «Ոսկեհատ» եւ Արարատյան դաշտավայրի «Կանգուն» եւ «Մուսկաթ» խաղողի տեսակների համախառնուրդից: 

Հին ոսկու երանգով ծղոտագույն գինի`ալպիական մարգագետինների վայրի ծաղիկների եւ սպիտակ վարդի քաղցրավուն նոտաների նուրբ փնջով, որի առկայությունը վառ կերպով արտահայտված է գինու բուրմունքում, համում եւ երկարատեւ նրբագեղ հետհամում, որտեղ նկատելի է սպիտակ չամչի մենախաղը:  

Թնդությունը՝ 12%
Շշի տարողությունը՝ 750մլ
Խմորման ջերմաստիճանը՝ 12-15ºC
Մատուցման ջերմաստիճանը՝ 8-12ºС

Հիանալի համադրություն է ազնիվ պանիրների, թեթեւ աղցանների եւ նրբաճաշակ աղցանների հետ:

Գինին պատրաստվում է դասական ֆրանսիական տեխնոլոգիայով՝ Վայոց Ձորի «Ոսկեհատ» եւ Արարատյան դաշտավայրի «Կանգուն» եւ «Մուսկաթ» խաղողի տեսակների համախառնուրդից: 

Արեւի փայլով բաց ոսկեգույն գինի`բարձրադիր ալպիական մարգագետինների վայրի ծաղիկների ու ազնվացեղ սպիտակ վարդի նուրբ փնջով, որի առկայությունը վառ արտահայտված է թե՛ բուրմունքում, թե՛ համում եւ թե՛ երկարատեւ նրբագեղ հետհամում:  

Թնդությունը՝ 12%
Շշի տարողությունը՝ 12%
Խմորման ջերմաստիճանը՝ 12-15ºC
Մատուցման ջերմաստիճանը՝ 8-12ºС

Հիանալի համադրվում է ձկնային, հատկապես Հայաստանի լեռնային ջրամբարների ձկներից պատրաստված կերակուրների հետ: 

Գինին պատրաստված է դասական ֆրանսիական տեխնոլոգիայով՝ Վայոց Ձորի «Արենի» եւ Արարատյան դաշտավայրի «Հաղթանակ» ու «Կախեթ» տեսակներից:

Գինին շագանակագույն երանգով կարմիր սաթի գույնի է` հասուն բալի պերճաշուք բույրով, համն արտահայտվում է հաճելի քաղցրությամբ ու փափուկ տտիպությամբ, իսկ երկարատեւ հետհամըՙ շոկոլադե երանգներով:

Թնդությունը՝ 12%
Շշի տարողությունը՝ 750մլ
Խմորման ջերմաստիճանը՝ 25ºC
Մատուցման ջերմաստիճանը՝ 18-22ºС

Հիասքանչ կերպով ընդգծում է ազնիվ փափուկ պանիրների եւ նրբաճաշակ աղցանների արժանիքները:

Գինին պատրաստված է դասական ֆրանսիական տեխնոլոգիայով՝ Վայոց Ձորի «Արենի», Արարատյան դաշտավայրի «Հաղթանակ» եւ «Կախեթ» խաղողի տեսակներից:

Գինին սաթի երանգով հիասքանչ մուգ-կարմիր գույնի է, հասուն բալի ինտենսիվ բույրով եւ կաղնու թավշյա նոտաներ պարունակող սեւ սալորի հագեցած համով, որը վերածվում է սեւ բիբարի կծու նոտաներով պերճաշուք հետհամի:

Թնդությունը՝ 12%
Շշի տարողությունը՝ 750մլ
Խմորման ջերմաստիճանը՝ 25ºC
Մատուցման ջերմաստիճանը՝ 18-22ºС

Հիանալի համադրվում է տավարի յուղոտ մսի, բիֆշտեքսների, ոչխարի կողերի, հորթի նուրբ մսի, փափուկ պանիրների եւ աղցանների հետ: