Արյաց
![](https://gevorkianwinery.com/wp-content/uploads/2020/05/ZET_4335_Edited-700x980.png)
ԱՐՅԱՑ ՈՍԿԵՀԱՏ ՍՊԻՏԱԿ ԱՆԱՊԱԿ ԳԻՆԻ
Պատրաստվում է հնուց ի վեր հայկական խաղողի թագուհին համարվող էնդեմիկ Ոսկեհատ տեսակից, որն աճում է Վայոց Ձորում, ծովի մակարդակից 1200 մ բարձրության վրա գտնվող լեռնալանջերին՝ Աղավնաձորում։
![](https://gevorkianwinery.com/wp-content/uploads/2021/01/ZET_4342_Edited-700x980.png)
ԱՐՅԱՑ ԱՐԵՆԻ ՎԱՐԴԱԳՈՒՅՆ ԱՆԱՊԱԿ ԳԻՆԻ
«Գևորգյան գինու գործարանի» այս հավաքածուի ամենանուրբ գինին է, որն արտադրվում է Վայոց Ձորի Աղավնաձոր գյուղի էնդեմիկ «Արենի» խաղողի տեսակից։ Այստեղ էր հայտնաբերվել Արենի քարանձավը՝ աշխարհի ամենահին գինեգործարանը, ուր 6000 տարի առաջ արդեն պատրաստում էին այս ազնվական խմիչքը։
![](https://gevorkianwinery.com/wp-content/uploads/2020/12/ZET_4376_Edited-700x980.png)
ԱՐՅԱՑ ԿԵՍ ԿԱԽԱՆԻ ԿԱՐՄԻՐ ԱՆԱՊԱԿ ԳԻՆԻ
Այս գինու բազմատեսակ փնջում առանձնանում է հաղարջի երանգը։ Գինին պատրաստված է հայկական հնագույն «Կախանի» մեթոդով Վայոց Ձորի «Արենի» (85%) և «Նռնենի» (15%) խաղողի տեսակներից։ Խմիչքի հատապտղային համն այդքան վառ է գինեգործարանի մառաններում 2-ից 3 ամիս չամչեցված խաղողի օգտագործման շնորհիվ, իսկ փայլուն գույնն ու հարուստ փունջը գինուն հաղորդում է բերքի մի մասի սառը թրմումը։
![](https://gevorkianwinery.com/wp-content/uploads/2021/10/IMG_8703-700x980.png)
![](https://gevorkianwinery.com/wp-content/uploads/2020/05/IMG_8704-700x980.png)
ԱՐՅԱՑ ԿԱԽԱՆԻ ՀՆԱՑՎԱԾ ԿԱՐՄԻՐ ԱՆԱՊԱԿ ԳԻՆԻ
Պատրաստված է կարմիր խաղողի չորս լավագույն՝ «Արենի», «Հաղթանակ», «Կախեթ» և «Կարմրահյութ» տեսակից, հին հայկական «Կախանի» մեթոդով՝ մինչև երեք ամիս չամչեցվող խաղողից։ Խմորումից հետո գինին 6 ամիս հնացվում է հարուրամյա հայկական կաղնուց պատրաստված նոր տակառներում, իսկ հետո՝ ևս 18 ամիս հին տակառներում։
![](https://gevorkianwinery.com/wp-content/uploads/2020/12/imgonline-com-ua-Resize-N4S8mpEveKz5V9FW-1.jpg)
ԱՐՅԱՑ ԿԱԽԱՆԻ ՀՆԱՑՎԱԾ ԿԱՐՄԻՐ ՔԱՂՑՐ ԳԻՆԻ
Հարուստ փունջ ունեցող այս քաղցր գինին պատրաստված է հայկական հնագույն «Կախանի» մեթոդով Վայոց Ձորի մարզի խաղողի «Արենի» (85%) և «Նռնենի» (15%) տեսակներից։ «Գևորգյան գինու գործարանի» մառաններում կախված խաղողը 3-ից 5 ամիս չամչեցվում է, խմորումից հետո 6 ամիս հնացվում է նոր տակառներում և 18 ամիս հին տակառներում՝ պատրաստված հայկական հարուրամյա կաղնու փայտից։